Plasings
Ajani fasiliteer die plasingsproses van Sol-Tech-studente en behels die volgende:
Voldoening aan die vereistes van die betrokke ambagkwalifikasie.
- Uitplasing van Sol-Tech-studente by goedgekeurde werkgewers nadat studente hul teoretiese en praktiese komponent vir die beroeps- en ander kwalifikasies suksesvol geslaag het.
- Staan die studente by vir suksesvolle plasing en behartig die fasilitering van die onderhoudproses tussen student en werkgewer.
- Ajani is verantwoordelik vir die administrasie en registrasie van die vakleerlingkontrak, vaktoets aansoek vir die student by die regulatoriese instelling en die opvolg vir die verkryging van die Rooiseel, waar van toepassing.
Ajani plaas studente volgens die kwalifikasies deur Sol-Tech opgelei.
Werkgewers
Ajani plaas tans Sol-Tech-studente by meer as 400 goedgekeurde werkgewers regoor Suid-Afrika vir indiensopleiding.
Regulatoriese vereistes waaraan die werkgewer moet voldoen om ‘n Sol-Tech-student te plaas in die onderskeie ambagte behels dat:
- Die werkgewer moet oor die nodige SETA-werkplekgoedkeuring vir die opleiding van 'n vakleerling beskik.
- Ajani fasiliteer die werkplek goedkeuringsproses met die betrokke SDF en of eksterne SDF.
- Die werkgewer moet oor die nodige gereedskap, werkswinkel en mentors beskik om die studente in sy/haar betrokke ambag op te lei.
- Die werkgewer ontvang 'n vakleerling wat oor die nodige teoretiese en praktiese kennis beskik om dadelik te kan begin werk en 'n bydrae in die maatskappy kan lewer.
- Studente moet gedurende hul opleiding by die werkgewer hul volledige werksplekgeïntegreerde logboeke voltooi tydens die indiensopleiding
- Daar moet 'n dienskontrak tussen student en werkgewer gesluit word.
- 'n Vakleerlingkontrak moet deur die werkgewer vir die student by die betrokke Seta geregistreer word en Ajani fasiliteer die administrasie hiervan.
- Die werkgewer ontvang tans die SETA/SARS opleidingsvoordeel vir die opleiding van 'n Sol-Tech-student.
- Die student se studies is ten volle betaal teen die tyd wat hulle uitgeplaas word.
- Die werkgewer kan die student permanent aanstel na sy/haar opleiding suksesvol voltooi is.
Vaktoetse
Vanaf April 2025 kan dieselwerktuigkundiges, passer-en-draaiers, meulmakers, gereedskapmakers, sweisers en elektrisiëns voortaan hul vaktoetse by Ajani se splinternuwe vaktoetssentrum in Derdepoort (Pretoria) aflê.
Ambagte wat getoets word:
Meulmaker
Elektries
Gereedskapmakers
Dieselwerktuigkundige
Passer-en-Draaier
Vakante poste
Ons het tans geen vakante poste nie, maar kom loer gerus weer later!
Word deel van die uitnemende Ajani-span, doen vandag aansoek vir ‘n vakante pos.
Ajani is ‘n Afrikaanse maatskappy wat funksioneer binne ‘n Christelike waardestelsel. Ajani is betrokke by die uitplasing van ambagstudente vir die voltooiing van hul werkgerigte leer komponente en fasiliteer ook die skedulering van vaktoetse vir studente wat hul leerprogramme suksesvol voltooi. Om aan die aanvraag vir vaktoetse vir die nuwe Tegniese Beroepskwalifikasies te voldoen, vestig Ajani tans ‘n onafhanklike Vaktoets-sentrum wat in Derderpoort, Pretoria gestasioneer sal wees.
Die doel van hierdie pos is die fasilitering van vaktoetse in lyn met regulatoriese vereistes asook die beplanning, voorbereiding en aflewering van opskerping sessies ter voorbereiding van vaktoetse. Die posbekleër is verantwoordelik vir die gehalte van toetsing en opskerping in sy of haar aangestelde area van verantwoordelikheid.
Om vir hierdie pos te kwalifiseer benodig die suksesvolle kandidaat ‘n Passer en Draaier Rooiseël, asook ‘n Assessor en Moderator kwalifikasie. Verder benodig aansoekers ‘n minimum van 2 jaar se industrie relevante ervaring. Kennis en ondervinding in opleiding en fasilitering van vaktoetse sal tot die kandidaat se voordeel strek. Rekenaargeletterdheid in die MS Office-pakket sal verantwoordelikhede in hierdie pos ondersteun.
Goeie verbale en geskrewe kommunikasievaardighede, uitstekende interpersoonlike-, administratiewe- en rekenaarvaardighede, die vermoë om onder druk te kan funksioneer en sperdatums te haal, is ‘n voorvereiste. Aansoekers se toegewydheid aan die bereiking van doelwitte, die vermoë om te analiseer en te beplan, entoesiasme, motivering en bereidwilligheid om te leer, sal van die aansoeker ʼn aanwins in ons omgewing maak.
Indien jy aan die vereistes voldoen, volg asseblief die skakel en KLIEK HIER om aansoek te doen. Indien probleme met die skakel ondervind word, stuur asseblief jou CV voor of op 16 Februarie 2025 na mhb@sol-tech.co.za met verwysing Vaktoetsbeampte: Pas en Draai
Indien jy nie binne drie weke ná die aanstuur van die CV terugvoer ontvang nie, kan jy aanvaar dat ander kandidate vir die pos oorweeg is.
